Um okkur

OneSystems er hugbúnaðarfyrirtæki sem sérhæfir sig í hönnun skjala- og málalausna og býður upp á sjálfvirkar veflausnir sem spara viðskiptavinum tíma og vinnu.

Starfsfólk OneSystems nýtir nútímalega forritunartækni og samþættingar við önnur tækniumhverfi til að byggja heildstæðar lausnir sem styðja við skilvirkni, framleiðni og sjálfvirkni í starfsemi viðskiptavina.

Starfsfólk OneSystems býr yfir áratuga reynslu af þróun hugbúnaðarlausna. Fyrirtækið býður upp á allt að 60 mismunandi kerfiseiningar sem henta fjölbreyttum þörfum fyrirtækja og stofnana. One kerfin eru sveigjanleg og auðvelt er að aðlaga þau að starfsemi og þörfum hvers viðskiptavinar.

Vottað stjórnkerfi net- og upplýsingaöryggis

OneSystems er vottað samkvæmt ISO/IEC 27001:2022, alþjóðlegum staðli fyrir stjórnkerfi net- og upplýsingaöryggis.

Vottunin staðfestir að OneSystems vinnur með net- og upplýsingaöryggi á skipulagðan og kerfisbundinn hátt, meðal annars með áhættustýringu, öryggisráðstöfunum, reglulegu eftirliti og stöðugum umbótum.

Markmiðið er að tryggja trúnað, heilindi og aðgengi upplýsinga og stuðla þannig að öruggri og áreiðanlegri þjónustu fyrir viðskiptavini OneSystems.

Framúrskarandi fyrirtæki

OneSystems hefur hlotið viðurkenningu Creditinfo sem Framúrskarandi fyrirtæki. Viðurkenningin er veitt fyrirtækjum sem standast ströng skilyrði um rekstur og fjárhagslegan styrk og endurspeglar stöðugleika og traustan rekstur fyrirtækisins.